leoni

Mbahet mbledhja e Shtabit të Posaçëm Emergjent në komunën e Rahovecit

13/04/2020 Institucionet

Është mbajtur mbledhjen e Shtabit të Posaçëm Emergjent në komunën e Rahovecit ku pikë kryesore e këtij takimi ishte diskutimi për situatën aktuale në komunën e Rahovecit si pasojë e përhapjes së pandemisë Covid 19 dhe masat të cilat është duke i marrë komuna e Rahovecit për parandalimin e kësaj pandemie. Në raportimin e kryetarit Latifi, para anëtarëve të Shtabit të Posaçëm Emergjent, është theksuar se qeverisja lokale është duke u angazhuar në maksimum që me shërbimet e veta të jetë afër qytetarëve dhe gjendja në komunën e Rahovecit vazhdon të jetë stabile. Në këtë pikë ju informojmë se konkluzionet e dala nga ky takim janë:

* Në komunën e Rahovecit, orari i ndalimit të qarkullimit vazhdon të jetë i njëjtë, si deri më tani: nga ora 17:00 deri në orën 06:00, përveçse për nevoja mjekësore, prodhim, furnizim dhe shitje të mallrave esenciale;

* Të fuqizohen pikat e kontrollit me të gjitha komunat e prekura nga COVID-19, në mënyrë që komuna e Rahovecit, të jetë e mbrojtur dhe e paprekur nga pandemia COVID-19;

* Drejtoria e Bujqësisë, nuk mund të lëshojë asnjë vërtetim (leje), ku do të lejonte që fermerët e komunës sonë, të lëvizin gjatë periudhës së ndalimit për qarkullim;

* Përveç punëtorëve në biznese edhe konsumatorët të përdorin masa mbrojtëse gjatë furnizimit me produkte e shërbime të nevojshme;

* Supermarketet të bëjnë dezinfektimin e karrocave dhe shportave sa herë ato përdoren nga konsumatorët;

* Në hyrje të bizneseve të vendosen dezinfektues që konsumatorët të dezinfektojnë duart para se të hyjnë brenda;

* Bizneset të cilat veprojnë në kundërshtim dhe nuk respektojnë masat parandaluese, do të gjobiten në bazë të vendimeve dhe urdhëresave në fuqi;

* Personat të cilët nuk janë të pajisur me mjete mbrojtëse nuk mund të marrin shërbime as në objektet e Administratës Komunale në Rahovec;

* Do të përsëritet dezinfektimi i hapësirave publike, rrugëve dhe rrugicave si dhe të gjitha objekteve shëndetësore në komunën e Rahovecit;

* Për të gjithë qytetarët që nuk zbatojnë rekomandimet e profesionistëve shëndetësor, ju informojmë se Inspektorati Komunal dhe Stacioni Policor janë vazhdimisht në terren, në rast se hasim në shkelje të masave dhe rekomandimeve, ju njoftojmë se do të gjobiten;* Aktivizimi i Inspektoratit Komunal në kontrollimin e situatës me bizneset të cilat operojnë pas orës 17:00, çdo veprim i tillë do të dënohet;* Furnitorët të cilët furnizojnë pikat e bizneseve në komunën e Rahovecit, obligohen të jenë të pajisur me masa mbrojtëse;

Duke e garantuar seriozitetin e komunës së Rahovecit dhe vendosmërinë që qeverisja jonë të jetë afër qytetarëve, ju siguroj se komuna nuk do të kursejë asgjë, vetëm e vetëm që jeta e qytetarëve të jetë në plan të parë. Apelojmë te të gjithë qytetarët që të jenë bashkëpunues, duke përfillur në përpikmëri udhëzimet e profesionistëve shëndetësor, pasi vetëm në këtë mënyrë mund të parandalohet dhe të tejkalohet kjo pandemi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara