Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kuadër të “Gramafon fest 2022”, është bërë organizimi i një koncerti për nderë të kompozitorit dhe dirigjentit ferizajas Ramadan Ramadani, krijimtaria e të cilit ngërthen në vetë shumë këngë korale për fëmijë, e dhjetëra këngë popullore të cilat shpërfaqin gjithë talentin dhe përkushtimin e dirigjentit të shkëlqyeshëm e kompozitorit tonë. Në këtë koncert janë interpretuar 13 këngë të përzgjedhura të kompozitorit ferizajas ndërkaq janë interpretuar nga artistët ferizajas , përcjellur nga Trupa Artistike Regjionale, ndërsa interpretimi i këngëve është bërë nga artistët ferizajas. Ndërsa e veçanta e gjithë kësaj mbrëmje ishte edhe vet prezenca e profesorit Ramadan Ramadani, të cilit ju nda edhe mirënjohje në emër të Kryetarit të Komunës së Ferizajt Agim Aliu, për veprën dhe krijimtarinë e tij artistike, këtë mirënjohje e ka ndarë drejtorja e Drejtorisë së Kulturës, Rinisë dhe Sportit Xhemile Murati Shabani. Me këtë rast të pranishmit i ka falënderuar edhe vet kompozitori me një emocion tejet të veçantë. Ramadan Ramadani rrugëtimin e tij, e ka nisur qysh nga bankat e shkollës së mesme të muzikës në Prishtinë, për të vazhduar tutje edhe në Akademinë e Muzikës në Prishtinë.
