MBLEDHJA E RADHËS E SHTABIT EMERGJENT KOMUNAL NË JUNIK

15/01/2021 Institucionet

Shtabi Emergjent në komunën e Junikut ka mbajtur mbledhjen e radhës për të diskutuar gjendjen momentale dhe menaxhimin e situatës epidemiologjike. Kryetari i komunës së Junikut Agron Kuçi, njoftoj anëtarët e shtabit mbi situatën epidemiologjike dhe parashikimet e ekspertëve për një fluks të radhës së të infektuarve me virusin COVID-19, andaj pasi që çdoherë mbetet prioritet ruajtja e shëndet publik dhe bazuar në faktin që procesi mësimor do filloj me 18 Janar, hodhi në diskutim se si do të vazhdoj procesi mësimor në komunën e Junikut dhe hapat që do merren në vazhdimësi në mënyrë që situata epidemiologjike të jetë sa më lehtë e menaxhueshme dhe të mos mbingarkohen kapacitetet tona shëndetësore. Shefi i QKMF-së njoftoj anëtarët për situatën epidemiologjike në aspektin mjekësor duke potencuar që komuna e Junikut ka situatë tashmë të menaxhueshme me 14 raste aktive pas fluksit të madh të të infektuarve në pjesën e parë të muajit dhjetor dhe theksoj që tashmë po vërehet një raportim më i mirë sa i përket rasteve pozitive të konfirmuara në laboratore private, mirëpo sipas tij rënia e numrit të rasteve nuk do duhej të na bëjë të ndihemi komod, pasi që 2-3 ditët e fundit vërehet një trend në rritje, kjo sipas tij si rezultat i vizitave familjare të pambrojtura gjatë festave të fundvitit. Shtabi Emergjent bazuar në gjendjen faktike në terren dhe me qëllim të ruajtjes së shëndetit të përgjithshëm u dakorduan që SHFMU “Edmond Hoxha” në Junik të vazhdoj mësimin me skenarin A (mësimi në objekte shkollore), ndërsa Gjimnazi “Kuvendi i Junikut” me skenarin C (mësim online) edhe për 2 javët e ardhshme dhe që pavarësisht skenarit të aplikuara të vazhdoj respektimi i masave bazike: mbajtja e maskës, respektimi i distancës, pastrimi i duarve rregullisht, pasi që sipas ekspertëve të gjithë mund të jemi bartës dhe zinxhiri i bartjes nuk është shkëputur akoma.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara