Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Junikut organizon mbledhje komemorative në nderim të jetës dhe veprës së Bashkim Knushit, ku i pranishëm ishte edhe kryetari i komunës së Junikut Agron Kuçi, i cili në fjalën e tij me këtë rast tha:
I papritur dhe i trishtë lajmi për ndarje nga jeta të bashkëqytetarit dhe punëtorit të komunës së Junikut Bashkim Knushi. Pikëllimi dhe dhimbja për ndarjen e hershme të bashkëqytetarit Bashkim Knushi është e të gjithëve, familjes Knushi, shokëve, miqve, bashkëpunëtorëve dhe bashkëqytetarëve si një emër i nderuar dhe respektuar. Bashkëqytetarin tonë Bashkim Knushi e kujtojmë për natyrën e qetë dhe të dashur të një junikasi, si një djalë punëtor i cili qysh herët për të iu bërë krah familjes filloj punën në Kooperativën bujqësore në Irzniq, më pas në NSH “ 16 Nëntori” në Deçan, e më vonë në kohët e vështira të viteve të 90-ta nëpër të cilat po kalonte vendi pas largimit nga puna nga organet e dhunshme të regjimit Serb u angazhua si ngasës i autobusëve si emergjencë për të mbajtur familjen në atë kohë, pas lufte Bashkimi i bashkohet ekipës së kompanisë Hello Trust për deminimin e zonave të minuara nga ushtria serbe gjatë luftës së fundit, duke përmbyllur karrierën e tij si zjarrfikës në Komunën e Junikut, punë të cilën e kreu me nderë e përkushtim. Bashkimin do ta kujtojmë për angazhimin e tij në luftën e lavdishme të UÇK-së, por Bashkimi do mbetet i paharruar dhe shembull i mirë i burrërisë shqiptare, për veprën e tij të 31 Janarit të vitit 2019, ku i fali gjakun e djalit familjes së Ahmet Shehut. Për ironi të fatit dje, në po të njëjtën ditë ndërruan jetë Bashkim Knushi dhe Ahmet Shehu. Familja, farefisi, miqtë, kolegët dhe bashkëqytetarët Bashkimin do ta kujtojnë, jo vetëm si prind, vëlla, shok dhe mik, por edhe si qytetar human dhe shumë solidar.
