Komuna Shtime

MBPZHR ka hapur fazën e aplikimit për projekte në kuadër të Programit për Zhvillim Rural

07/02/2017 Institucionet

Komuna e Shtimes i informon të gjithë fermerët dhe të interesuarit që duan të merren me bujqësi së Ministria e Bujqësisë, Pylltarisë dhe Zhvillimit Rural ka hapur fazën e aplikimit për projekte në kuadër të Programit për Zhvillim Rural.

Fermerët mundë të aplikojnë në fondin prej 23 milionë eurove që parasheh mbështetje në shumë nënsektorë. Thirrja vlen për katër masa të programit për zhvillim rural: Masa 101: Investimet në asetet fizike në ekonomitë bujqësore, Masa 103: Investimet në asetet fizike në përpunimin dhe tregtimin e prodhimeve bujqësore, Masa 302: Diversifikimi i fermave dhe zhvillimi i bizneseve masa për ujitjen e tokave bujqësore.

Për të gjitha procedurat e aplikimit dhe dokumentacionin e nevojshëm, informatat mund t’i gjeni në uebfaqet e Agjencisë për Zhvillimin e Bujqësisë (AZHB), www.azhb-ks.net dhe të Ministrisë së Bujqësisë, Pylltarisë dhe Zhvillimit Rural (MBPZHR), www.mbpzhr-ks.net.

Thirrja për aplikim është e hapur prej datës 6 shkurt deri më 20 mars 2017. Formulari për aplikim dhe dokumentet e bashkëngjitura duhet të dorëzohen në njërën nga zyrat rajonale të Agjencisë për Zhvillimin e Bujqësisë në: Prishtinë, Mitrovicë, Pejë, Gjakovë, Prizren, Ferizaj dhe Gjilan nga ora 8:30-16:00, çdo ditë pune. Dokumentacioni i paplotësuar mund të refuzohet. Përgjegjësia e plotësimit të dokumentacionit është e aplikuesit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara