leoni

Mbyllen edhe 9 bastore në Ferizaj

20/12/2018 Institucionet

Punëtorët e Inspektoratit të Komunës së Ferizajt, po përmbyllin këtë fundvit me një numër rekord aksionesh dhe vënie përfundimisht të kontrollit në gjithë territorin sa i përket rregullsisë dhe veprimtarisë që zhvillohet në tregun ferizajas, të parapara këto me rregullativën ligjore të fushës së inspektimeve. Një aksion i gjerë është zhvilluar edhe këto ditë në kontrollin e lokaleve të lojërave të fatit, që ka rezultuar me mbylljen edhe të 9 bastoreve që nuk përmbushin kushtet ligjore të dëshmuar përmes dokumentacionit përkatës e që operonin në zonën qendër. Nga to, 3 prej tyre janë rihapur, përkatësisht, kanë dëmtuar bllombat e vendosura nga Inspektorati i Komunës. Për këtë veprim të kundërligjshëm Inspektorati i Komunës, do ta inicioj rastin në procedurë penale pranë organeve të drejtësisë, që shkelësit të marrin përgjigjen e forcës së ligjit kundrejt veprimeve të tyre tërësisht në kundërshtim me legjislacionin në fuqi. Të gjitha veprimet e ndërmarra këtë vit në mbrojtje të buxhetit familjar dhe shëndetit publik, janë realizuar me autorizimin dhe insistimin e të parit të Ferizajt, Agim Aliu që përfundimisht, Ferizajn ta kthej në një qendër funksionale në pikëpamje të rregullësisë dhe zhvillimit afarist, duke garantuar sundimin e rendit dhe ligjit në këtë segment të rëndësishëm të jetës shoqërore. Aksioni për mbylljen e lokaleve të lartcekura është zhvilluar në bashkëpunim me Policinë e Kosovës në Ferizaj, për të cilën, Komuna e Ferizajt i falënderon publikisht për gjithë mbështetjen e vazhdueshme gjatë tërë vitit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara