Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së Ushtrisë Çlirimtare të Kosovës, ka mbajtur Kuvendin e 5-të zgjedhor, në Restaurant “Villa Natyra” në fshatin Prugofc. Delegatët e këtij Kuvendi, zgjodhën edhe për një mandat 4-vjeçar, Hysni Gucatin, në krye të Organizatës së Veteranëve të Luftës së UÇK-së. Kandidatë për kryetar të OVL-UÇK-së, ishin Nasim Haradinaj i cili mori 95 vota ndërsa Hysni Gucati, mori 112 vota të delegatëve. Në mbledhjen e Këshillit Drejtues të Organizatës së Veteranëve të Luftës së Ushtrisë Çlirimtare të Kosovës, të mbajtur më 12 mars 2024, ishte miratuar rregullorja për mbajtjen e zgjedhjeve brenda Organizatës. Në këtë mbledhje, qenë shpallur edhe tri kandidatura për kryetar të Organizatës: Kapllan Parduzi, Nasim Haradinaj dhe Hysni Gucati, ka qenë bërë e ditur në njoftimin paraprak të OVL-UÇK-së. Në këtë Kuvend Zgjedhor kanë marrë pjesë edhe nga një përfaqësues politik, i cili njëkohësisht është edhe veteran i UÇK-së. Nga PDK-ja veterani, Sami Lushtaku, nga LDK-ja, Nuredin Ibishi, nga AAK-ja, Daut Haradinaj nga PSD-ja Dardan Molliqaj dhe nga VV-ja, Shqipe Selimi.
