100 vjet më parë, më 17 korrik të vitit 1924, pas një beteje të përgjakshme në fshatrat: Galicë, Mikushticë dhe Luboves të Drenicës kundër mijëra forcave pushtuese serbe, të Nikolla Pashiqit, ra heroikisht, Azem Bejtë Galica, luftëtari popullor, i cili me trimat e trimëreshat e tij për 12 vjet i rezistoi pushtimit serb të Kosovës. Ka qenë kryekomandant i forcave të Kosovës e më gjerë. Luftëtari më i njohur dhe më i përkushtuar i çlirimit të Kosovës, i cili padrejtësisht u etiketua si “kaçak” jo vetëm nga regjimi kriminal i Serbisë, por edhe nga historianët vasalë të regjimit serb, nga shumë historianë edhe sot e kësaj dite vazhdon të trajtohet si i tillë. Azem Galica ishte kryekomandant i çetave çlirimtare të Kosovës e më gjerë, i cili ka luftuar kundër Serbisë, Austro-Hungarisë dhe pushtimit bullgar të viseve të Kosovës. U lind në Galicë të Drenicës në vitin 1889. Ishte në ballë të luftëtarëve të lirisë, jo vetëm në trojet e mbetura nën pushtimin serb, por edhe në Shqipëri kundër forcave esadiste e zogiste. Ka qenë përkrahës i Bajram Currit, Fan Nolit, Hasan Prishtinës dhe kreut përparimtar demokratik të kohës. Pas vdekjes, bashkëluftëtarët e trupin e tij e kishin varrosur në një shpellë, të fshatit Gllarevë, me qëllim që regjimi serb të mos e zbulonte trupin e tij dhe të mos e dinte se ai kishte rënë.
Kontrolloni gjithashtu
Jens Stoltenberg ka kërkuar nga vendet anëtare të Aleancës të jenë unike dhe të gatshme në përballje me Rusinë
Në një fjalë lamtumire që shënoi përfundimin e një dekade në krye të NATO-s, Jens …