Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në amfiteatrin e Bibliotekës Kombëtare, “Pjetër Bogdani” në Prishtinë do të përurohen: libri publicistik dokumentar: “Feniks në Kalvar”, dhe përmbledhja poetike, “Atdheu e poeti”, të shkrimtarit, poetit dhe publicistit, Martin Çuni. Këto dy libra do të përurohen ditën e shtunë, më 23 nëntor 2019, duke filluar në orën 14.00.
Libri “Feniks në Kalvar”, është një pasuri tjetër dokumentare artistike e luftës të Ushtrisë Çlirimtare të Kosovës, që po del në dritë, për së dyti, 20 vjet pas mbarimit të luftës. Me botimin e këtij libri vazhdon të pasurohet fondi artistik e dokumentar i publicistikës së luftës të UÇK-së, pavarësisht se librat e kësaj tematike e përmbajtje, nuk financohen nga institucionet e Kosovës.
Libri ka 332 faqe, botoi, Radio-Kosova e Lirë, shtypi, Shkrola në Prishtinë.
Libri më i ri i shkrimtarit, poetit, publicistit dhe veprimtarit, Martin Çuni, (i cili po vazhdon ta pasurojë literaturën tonë me vepra të arrira letrare artistike e dokumentare), i titulluar, Atdheu dhe poeti, i përket krijimtarisë së pas luftës, të autorit, në periudhën e rikthimit në Gjermani, ku ka zhvilluar aktivitete të shumta kulturore në mesin e mërgatës shqiptare. Libri është ndarë në tri pjesë, poema, “Atdheu dhe poeti”, “Shqiptarët marshojnë” dhe “Arbëri zog i Diellit”. Botoi, Radio-Kosova e Lirë, shtypi, Shkrola në Prishtinë.
