Më 25 dhe 26 gusht “Beach Volley” në Sheshin “Adem Jashari”

22/08/2018 Institucionet

Për herë të parë në komunën e Skenderajt organizohet aktiviteti sportiv “Beach Volley”, në rërën e improvizuar në hapësirën e sheshit “Adem Jashari”, në kuadër të aktiviteteve “Skenderaj Open 2018”, që përmbyll tërë ngjarjet kulturore, sportive e rekreative të organizuara për nderë të bashkatdhetarëve tanë. Sipas drejtorit të Drejtorisë për Kulturë, Rini dhe Sport, Ramiz Shala, që udhëheq manifestimin “Skenderaj Open 2018”, këto aktivitete janë pjesë e implementimit të planit të punës së Ekzekutivit për këtë vit, ndërsa “Beach Volley” organizohet në bashkëpunim me Qendrën Rinore Publike në Skenderaj. “Realizimin e këtij projekti e bën Qendra Rinore Publike e Skenderajt, dhe është bashkëveprim i Drejtorisë për Kulturë, Rini dhe Sport, Qendrës Rinore Publike dhe donatorëve, kryesisht operatorë ekonomik nga Komuna e Skenderajt”, është shprehur mes tjerash drejtori Shala. Ai ka bërë të ditur se organizimin e “Beach Volley” e ka mbështetur edhe Federata e Volejbollit të Kosovës, përkatësisht drejtori i Beach Volley të Kosovës, Visar Alimehaj, me referim dhe pajisje të tjera teknike. Ky aktivitet po e përmbyll një mori aktivitetesh, kampanjash, në kuadër të ditëve të mërgatës 2018, dhe si tillë ky turnir paralajmëron muajin e rinisë 2018, që sipas planit të punës së DKRS-së është paraparë muaj shtator, ku priten të zhvillohen aktivitete të shumta rinore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara