leoni

Me aktivitete të shumta në Viti u kremtua 13 vjetori i Pavarësisë së Republikës se Kosovës

17/02/2021 Institucionet

Me rastin e 13 vjetorit të shpalljes së Pavarësisë së Republikës së Kosovës, në Viti, është shënuar kjo ditë me aktivitete të shumta. Fillimisht është mbajtur një seancë solemne kushtuar kësaj dite. Më pas janë bërë homazhe në varrezat e dëshmorëve në Viti si dhe gjatë ditës nën organizimin e Drejtorisë për Kulturë, Rini dhe Sport është shënuar edhe gara kombëtare në atletikë “Vrapimi i Pavarësisë”. Aktivitetet për nderë të kësaj dite janë përmbyllur me një koncert festiv nga Ansambli i Këngëve dhe Valleve “Kemajl Azizi”nga Vitia.

Seanca solemne me rastin e 17 Shkurtit-Ditës së Pavarësisë së Republikës së Kosovës ka filluar me një minutë heshtje në shenjë respekti për të gjithë të rënit për lirin e këtij vendi. Nga një fjalë rasti kanë mbajtur Kryesuesi i Kuvendit Komunal të Vitisë, Naim Pira, Hasan Aliu, zëvendëskryetar i komunës së Vitisë dhe Abdyl Bajrami, nga OVL e UÇK në Viti, ku kryesisht është folur për sakrificat e popullit shqiptar për liri dhe pos urimit ata kanë shprehur lavdinë për të gjithë dëshmorët dhe martirët e rënë për lirinë e Kosovës. Ndërkaq pas kësaj seance janë bërë homazhe në varrezat e dëshmorëve në Viti, janë zhvilluar garat në atletikë ” Vrapimi i Pavarësisë” dhe koncerti festiv.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara