Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lum qytetarësh morën pjesë në homazhet tek Memoriali i Varrezave të Dëshmorëve të Kombit të UÇK-së në Ferizaj, prirë nga Kryetari i Komunës, Agim Aliu, Kryesuesi i Kuvendit të Komunës, deputetë të Kuvendit të Republikës së Kosovës, drejtues të shoqatave të dala nga lufta e UÇK-së, familje dëshmorësh, duke përkujtuar e u përkulur para sakrificës së Dëshmorëve të Kombit për lirinë e Kosovës.
Buqeta e kurora lulesh u vendosën në varret e Dëshmorëve të Kombit të UÇK-së në Ferizaj, në nderim të heroizmit, sakrificës sublime, lavdisë së veprës dhe jetës së dëshmorëve për lirinë e Kosovës.
Përveç homazheve tek Varrezat e Dëshmorëve të Kombit të UÇK-së në Ferizaj, 14 vjetori i Pavarësisë së Kosovës në Ferizaj shënohet edhe me një varg aktivitetesh tjera kulturore si aktiviteti letrar i organizuar nga KL “De Rada”, koncerti me grupet e fëmijëve në Teatrin e Qytetit, si dhe Koncerti Festiv me Korin e Qytetit – Okteti dhe Grupin e Mandolinistëve “Nostalgjikët” po ashtu në Teatrin e Qytetit.
