Me homazhe dhe nderime u shënua 23-vjetori i rënies se dëshmorit Mehedin Morina nga fshati Gllareva e Klinës

17/05/2021 Institucionet

Në fshatin Gexhë të Komunës së Rahovecit, me homazhe dhe nderime u shënua 23-vjetori i rënies së dëshmorit Mehedin Morina nga fshati Gllareva e Klinës, i pranishëm në këtë aktivitet ishte edhe kryetari i komunës së Rahovecit Smajl Latifi, kryetari i OVL e UÇK-së Vajdin Berisha, familjar dhe bashkëluftëtar të dëshmorit. Kryetari Latifi u shpreh se, sot është 23-vjetori i rënies heroike të luftëtarit sypatrembur, heroit Mehedin Morina nga Gllareva e Klinës. “Heroi Mehedin Morina do të mbetet gjithmonë simbol i luftëtarit atdhetar, i paepur për lirinë e mbi gjysmës së atdheut tonë të robëruar nga pushtimi sllav. E dha jetën në anadrini, në betejën e Gradishit, me 14 maj 1998. Anadrinasit nuk e harrojnë burrërinë, përkushtimin dhe idealin e trimit nga Gllareva e Klinës. Ne bashkëluftëtarët e tij nga Anadrinia, i përkulemi përjetësisht kujtimit dhe veprës së dëshmorit Mehedin Morina, për nderin dhe burrërinë që na la Kujtim dhe amanet’’, ka thënë kryetari Latifi. Po ashtu, u përkujtuan edhe martirët: Imer Kajdomqaj nga Xërxa, Bajram Himaj, Qamil Himaj dhe Zymer Morina nga Gexha.

Kontrolloni gjithashtu

Për shkak të punimeve me 22 dhe 23 prill bllokohen rrugët “Xhevat Kasapi” dhe “Muharrem Dina”

Komuna e Rahovecit përmes një postimi në faqen zyrtare të saj në facebook, njofton qytetarët …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara