Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në shënim të 20 vjetorit të rënies së dëshmorit të kombit, Mentor Retkoceri sot është bërë përurimi i sheshit që e mban emrin “Mentor Retkoceri” në lagjen Dardania përballë PTK-së. Ndërsa në Institutin Albanologjik në Prishtinë është mbajtur Akademi përkujtimore. Nënë Fatimja dhe babai Ismeti pranuan dekoratën presidenciale “Hero i Kombit” për dëshmorin Mentor Retkoceri, gjithashtu u ndanë edhe dekorata e mirënjohje.
Nexhmije Statovci Krasniqi mësuesja e dëshmorit, Mentor Retkocerit që u përkujtua sot e hapi Akademinë. Ajo evokoi disa kujtime për nxënësin dëshmor. “Kush vdes për liri, nuk vdes asnjëherë”, kjo ishte thënia e mësueses për nxënësit e saj, andaj Mentori e kishte realizuar këtë amanet.
Shoku dëshmorit Blerim Krasniqi, tha se vitet 90-ta, ishin për ne sfidë e sakrificë. Ne ishim të gatshëm për çfarëdo sakrifice. Mentori ishte i gatshëm për çdo aksion si në Kosovë, Preshevë e vende tjera liridashëse. Djemtë e Preshevës, Zonën e Llapit e kishim në mbështetje. Ne e vazhduam idealin e tij edhe në UÇPMB. Jemi të vetëdijshëm se rruga për Bashkimin Kombëtar është e gjatë por ajo duhet të ndodh, tha ndër te tjera z. Krasniqi.
Ndërkaq Fatmir Limani tha se Mentori nuk priti të pragu lirinë e Kosovës, ai herët ishte organizuar për ta luftuar okupatorin serbo-sllav. Ai ishte kushtrimi, bashkëthemelues i UÇK-së dhe në shërbim të kombit e të atdheut.
Ish komandantin e Zonës Operative të Llapit, z. Rrustem Mustafa tha se ne filluam rrugën të bashkuar si shqiptar të mbetur në ish Jugosllavi, andaj sot kujtojmë heroin Mentor Retkoceri. Mentori ishte prijësi i familjes por në luftë u radhit në Njësinë Speciale të Komandës së Llapit. Ai ra në krye të detyrës ashtu siç bien trimat, theksoi Mustafa.
Kurse babai Ismeti i falënderoi për ndarjen e çmimeve për djalin dëshmor dhe të pranishmit si dhe uroi për emrin e sheshit.
