Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me përfundimin e dëshmisë së dëshmitarit të 15-të në seancën e sotme që u mbajt në Gjykatën Speciale, në Hagë, gjykimi kundër krerëve të UÇK-së, Hashim Thaçit, Kadri Veselit, Rexhep Selimit dhe Jakup Krasniqit do të vazhdojë më 14 gusht 2023. Dëshmitari i koduar është paraqitur përmes video-lidhjes. Pasi ekipet e mbrojtjes nuk kanë pasur pyetje për këtë dëshmitar, seanca ka vazhduar me pyetjet e trupit gjykues. Një pjesë e shkurtë e deklarimit të tij ka qenë në seancë publike por që ka qenë e pamundur të kuptohen plotësisht deklarimet e dëshmitarit. Në këto rrethana, dëshmia e tij ka përfunduar dhe se gjykimi për këtë çështje gjyqësore do të rifillojë më 14 gusht, pas pushimit të Gjykatës Speciale, me dëshmitarët e radhës. Kryetari i trupit gjykues, gjykatësi, Charles Smith paraprakisht kishte treguar se të akuzuarit kanë hequr dorë nga prania e tyre në sallë dhe seancën e kanë përcjellë përmes video-lidhjeve.
