Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Asociacioni i Komunave Serbe të Kosovës është pjesë e marrëveshjes në mes të Prishtinës dhe Beogradit dhe me pranimin e propozimit evropian për zgjidhjen e çështjes së Kosovës pranohet automatikisht edhe Asociacioni, ka thënë një zyrtar i lartë i BE-së, në kushte anonimiteti. Ai ka shtuar edhe faktin se pranimi i atij propozimi do të thotë njohje “de facto” e Kosovës. Nga Brukseli thonë se nga të dyja palët, Kosova dhe Serbia, ka sinjale të forta se propozimi i BE-së do të pranohet si në deklarata publike ashtu edhe në biseda me zyrtarë të BE-së. Zyrtari anonim shtoi se është një marrëveshje bazë, e cila është aq gjithëpërfshirëse, saqë e afron atë me të ashtuquajturën “marrëveshje gjithëpërfshirëse juridikisht obligative për normalizimin e marrëdhënieve mes dy palëve”. Pranimi i propozimit evropian është i rëndësishëm sepse do të çojë në një ndryshim në të gjithë disponimin në rajon, do të çojë në projekte dhe investime të reja, do të rrisë ndihmën financiare dhe do të çojë në siguri dhe parashikueshmëri më të madhe, u tha gazetarëve një zyrtar i lartë i BE-së.
