Me propozim të ministrit Reçica, Qeveria miraton Projektligjin për Inspektoratin e Punës

23/06/2018 Institucionet

Në mbledhjen e së premtes të Qeverisë së Kosovës, me propozim të ministrit të Punës dhe Mirëqenies Sociale, Skender Reçica u miratua Projektligji për Inspektoratin e Punës, dokument që ka për bazë zbatimin e dokumenteve strategjike të Qeverisë së Kosovës. Ministri Reçica tha se Projektligji për Inspektoratin e Punës ka për qëllim reformimin e këtij institucioni sipas standardeve ndërkombëtare të ILO-së dhe praktikave më të mira të vendeve të Bashkimit Evropian. “Përmes këtij projektligji synohet të fuqizohet dhe reformohet Inspektorati i Punës, me qëllim që ky institucion të jetë i përgatitur dhe të ketë prioritet luftimin e punësimit informal, duke monitoruar dhe inspektuar të gjitha bizneset të cilat veprojnë në Kosovë, me synimin që të krijojnë një kulturë të re të punës në vendin tonë”, ka thënë Reçica. Ai tha se me miratimin e këtij projektligji po avancohen përpjekjet tona në përmbushjen e objektivave për fuqizimin dhe reformimin e Inspektoratit të Punës, zbatimin e të drejtave të punëtorëve, luftimin e punësimit jo formal, rritjen e sigurisë dhe shëndetit në punë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara