Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e festës së Fitër Bajramit, Myftiu i Kosovës, Naim Tërnava, ka uruar të gjithë besimtarëve myslimanë. Sot në këtë ditë të fundit e të bekuar të Ramazanit, më lejoni që në emër të Bashkësisë Islame të Kosovës dhe në emrin tim si Myfti i Republikës, të ju uroj këtë festë kaq madhështore, festën e Fitër Bajramit duke lutur zotin të na falë shëndet dhe mirëqenie. Falënderimi i takon zotit i cili na bekoi me agjërim, adhurim, lutje dhe vepra tjera të mira gjatë muajit të bekuar të Ramazanit duke kaluar këtë muaj në atmosferën e tij sublime e shpirtërore dhe në komoditetin e kohezionit, qetësisë dhe kënaqësisë”- ka deklaruar Tërnava. Më tej, myftiu tha se festa e Bajramit është një ditë që edhe fëmijët i mbush me gëzim, buzëqeshje e argëtim.“Bajrami është një ditë që edhe fëmijët i mbush me gëzim, buzëqeshje e argëtim, një ditë për të afërmit që i bashkon ata në drejtësi dhe lidhje, ditë e vizitave dhe përqafimeve të shumta, ditë e lutjeve dhe shpresës, ditë ku bamirësi liron dorën për bamirësi, ditë kur duhen pastruar shpirtrat dhe duhen shtrënguar duart, duke shtuar dhe promovuar vëllazërinë, besnikërinë dhe dashurinë edhe më të fortë ndërmjet vete, tha myftiu Naim Ternava.
