Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e vdekjes së Shkurte Selman Kadrisë, pjesëtarët e familjes së tij, të cilët jetojnë në Amerikë, kanë njoftuar për disa rrethana të kalvarit të kësaj familjeje atdhetare
Nipi i Selman Kadrisë, Agron Jashar Hasanaj, që jeton në SHBA, përmes rrjetit social shpjegon rrjedhën gjenetike të familjes dhe shkruan: “Familja e Selman Kadrisë është ndër familjet më të vjetra në fshatin Cërcë. Babai i Selmanit ishte Kadri Ferizi, ndërsa nëna e Selmanit, Fatimja, ishte bijë nga fshati Moistir i Istogut. Selman Kadria ishte i martuar me Zojë Blakajn nga Vrella. La pas vetes djalin e vetëm, Jashar Selman Hasanajn dhe dy vajza: Shkurte e Rroshe Hasanajn. Jashar Selman Hasanaj la pas pesë djem dhe dy vajza.
Familjarët thonë se kujtimin e vetëm nga Selman Kadria e kemi varrin e gjyshit dhe atë shkiet e dëmtuan disa herë. Djali i axhës, Nimon Beka, si dhe Hasan Zeqë Hasanaj ia morën gjakun Selmanit. Familjen e Selmanit e larguan nga Cërca, ia konfiskuan gjithë pasurinë: 10 hektarë tokë, shtëpinë dhe të gjitha. E, kurrë fshati nuk ka qenë në gjendje t’ia ofrojë një truall djalit të Selman Kadrisë!
Toka, pasuria e Selmanit u shit e u stërshit. Djali i Selmanit ishte vetëm tre vjeç kur çetnikët, në bashkëpunim me disa shqiptarë, e prenë me sëpatë, e masakruan trimin e Potgurit e të Kosovës.
Por, prapambetja dhe miqësia e disa shqiptarëve me serbë nuk patën të ndalur.
Selmanit ia morën të gjitha.
E, ne, nipat e Selmanit, u detyruam të marrim rrugën e kurbetit në Amerikë. Jashar Hasanaj vdiq në vitin 2001.
Mehmet Bislimi
28. 7. 2022
