Mesazh falënderimi i kryetarit Haliti për diasporën

02/08/2020 Institucionet

Mesazh falënderimi i kryetarit Haliti për diasporën

“Të nderuar mërgimtarë! Në këtë periudhë jo të zakonshme nëpër të cilën po kalojmë të gjithë, dëshiroj t’ju dedikoj këtë mesazh falënderimi e mirënjohjeje për kontributin tuaj tepër të çmueshëm, në të gjitha proceset më të rëndësishme nëpër të cilat ka kaluar vendi. Ju meritoni respektin më të lartë për përkushtimin tuaj në mbështetjen e vendit para luftës. Ju mbështetët por edhe ishit pjesë e luftës çlirimtare, por po ashtu edhe pas luftës mbështetët përmirësimin e gjendjes sociale të qytetarëve të Komunës së Vitisë, si dhe projektet e ndryshme të infrastrukturës në këtë komunë. Duhet veçuar sidomos përkrahjen e madhe të aksionit humanitar për ndërtimin e shtëpive për familjet me gjendje më të rënduar ekonomike, por edhe ndihmat humanitare me rastin e festave të ndryshme. Ju gjithherë e keni treguar shpirtin tuaj të madh. Solidariteti juaj nuk ka munguar as tani, kur i gjithë vendi dhe komuna jonë po përballet me luftën kundër pandemisë së gripit. U jemi mirënjohës të gjitha shoqatave të diasporës si dhe individëve, pa dallim, për solidaritetin e treguar përmes të mirave materiale, pakove ushqimore e higjienike si dhe gjërave të tjera në kohën e pandemisë. -Të dashur mërgimtarë! Tani jemi në fillim tu gushtit dhe ditët e para të këtij muaji gjithnjë ia kemi dedikuar juve. Manifestimi tradicional “Ditët e diasporës”, i cili është mbajtur çdo vit, janë ditët që i kemi veçuar për ju, ngase duam që edhe ju ta ndieni se institucionet, por edhe qytetarët u janë mirënjohës përjetë. Por, sivjet ngaqë shumica dërmuese e mërgimtarëve nuk keni mundur të vini për pushime në vendlindje, po na mungojnë ndejat e përbashkëta, kafet e mëngjesit dhe atmosfera që vetëm ju dini ta bëni. E, juve që tashmë jeni në Kosovë, ju dëshirojmë pushime të këndshme!”

Me konsideratën më të lartë

Sokol Haliti

Kryetar i Komunës së Vitisë

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara