MESAZH URIMI I KRYETARIT TË KOMUNËS SË KLINËS,  ZENUN ELEZAJ, ME RASTIN E 7– MARSIT – DITËS SË MËSUESIT

07/03/2018 Institucionet

Me rastin e festës suaj dhe të gjithë kombit, në cilësinë e qytetarit të parë të Komunës së Klinës, kam nderin dhe kënaqësinë që t’ju përshëndes dhe t’ju uroj këtë festë të madhe të shkollës shqipe, 7 Marsin – Ditën e Mësuesit. Kur përkujtojmë këtë ditë të veçantë për arsimin shqip, ngjallim nderimin dhe respektin për të gjithë ata pishtarë të dijes dhe të diturisë, të cilët që nga kohërat e hershme hapen shkollat shqipe dhe me punën e tyre sublime ruajtën frymën kombëtare të arsimit shqip në Kosovë. Rruga historike e kësaj shkolle është rrugë e sakrificës së madhe të të gjithë pishtarëve të kësaj shkolle, shumë prej tyre edhe kanë rënë në rrugën e shkronjave shqipe, duke e ngritur nga një altar në shërbim të popullit dhe të atdheut, me punën e tyre sublime ruajtën frymën kombëtare të arsimit shqip. Tash në Kosovën e lirë dhe të pavarur arsimi po jep kontribut të çmueshëm në edukimin dhe arsimimin e gjeneratave të reja. Gjendja në arsim çdo ditë e më tepër po ecën drejt prosperitetit dhe avancimit. Edhe ne si Qeveri Komunale do të angazhohemi dhe arsimit do t’i japim prioritet të merituar për përmirësimin edhe të mëtutjeshme pozitës së kësaj kategorie, me synimin që arsimit gjithsesi do t’i kthehet dinjiteti dhe autoriteti që duhet ta ketë. Kjo edhe është e domosdoshme për rolin që ka arsimtari në edukimin dhe arsimimin e gjeneratave të reja. Prandaj, mësimdhënës të nderuar, duke ju uruar edhe një herë 7 Marsin, Ditën Tuaj, Ditën e gjithë neve, suksese në misionin tuaj të shenjtë, ju uroj këtë ditë të shënuar,

GËZUAR!

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara