Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mësimdhënësit, të cilët kanë punuar në vend gjatë viteve të 90-ta, do t’u njihet përvoja e punës. Kjo u bë e ditur gjatë takimit të përbashkët midis ministrit të Arsimit, Shkencës dhe Teknologjisë, Arsim Bajrami, atij të Punës dhe Mirëqenies Sociale, Arban Abrashi si dhe kryetarit të SBASHK-ut, Rrahman Jasharaj, të cilët promovuan Vërtetimin për njohjen e përvojës së punës së arsimtarëve gjatë periudhës 1990-1999. Me këtë rast, ministri Bajrami theksoi se ky vërtetim shënon zbatimin e vendimit për njohjen e përvojës së punës së mësimdhënësve të viteve të ‘90-ta për skemën pensionale. Ai ka vlerësuar se ky është një hap i domosdoshëm dhe i shumëpritur që mësimdhënësve, të cilët kanë punuar në kohën e mbijetesës së sistemit arsimor t’u njihet përvoja e punës dhe ata të marrin pension të dinjitetshëm. “Ne po fillojmë që mësimdhënësve t’u japim pensione të merituara për punën e tyre në momentet më të vështira të mbijetesës së arsimit”, u shpreh ministri Bajrami. Ndërsa, ministri i Punës dhe Mirëqenies Sociale, Arban Abrashi, ka thënë se ky vendim është në vazhdimësinë e reformave, të cilat i kemi ndërmarrë, në përmirësimin e mirëqenies së të gjithë punëtorëve dhe pensionistëve në këtë rast, të cilët kanë kontribuar në shtetndërtimin e Kosovës.
