Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazetari i njohur gjerman, Mihael Martens, në një postim të tij ka shkruar për tensionet në mes të Kosovës dhe Serbisë dhe rrezikun e shpërthimit të një konflikti të ri në rajon. Ai ka apostrofuar një shkrim të tij të vitit 2022 kur kishte argumentuar se s’kishte rrezik për një luftë në Ballkan, megjithatë thotë se ky qëndrim që vlente për atë kohë, duhet të rishikohet sepse gjakderdhja në Kosovë mund të ndodh në të vërtetë. Martnes thotë se një nga mësimet që duhet marrë nga lufta në Ukrainë, është se nëse politikanët flasin, duhet të merren seriozisht. Këtu përmend paralajmërimet e Vladmir Putin që tregonin se Rusia do të sulmojë Ukrainën, e ku shumica nuk dëgjuan apo nuk e morën seriozisht Putinin me arsyetimin se “janë vetëm fjalë dhe ai s’do ta shkatërrojë ekonominë e tij. Njerëzit mund të thonë se Amerika e ka bazën e saj në Bondsteel dhe se Serbia nuk do të guxojë të ndërhyjë ushtarakisht në Veri të Kosovës, kjo aktualisht është e vërtetë, por a do të vlente kjo në rast se Donald Trump do të kthehej në Shtëpinë e Bardhë për një mandat të dytë, pyet Martens.
