Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori dhe analisti , Milazim Krasniqi, ka kritikuar qeverinë e Kosovës për qasjen ndaj situatës së sigurisë në veri, duke theksuar rolin vendimtar të ushtarëve amerikanë të KFOR-it. Krasniqi e quajti të pabazuar përpjekjen e disa zyrtarëve për t’u shfaqur si garantë të sigurisë, duke anashkaluar kontributin e NATO-s. Ushtarët amerikanë patrullojnë në veri dhe ruajnë infrastrukturën dhe kufirin, ndërsa disa qeveritarë shesin poza si gjoja garantë të sigurisë. Këta qeveritarë e kanë tejkaluar çdo kufi të abuzimit, duke injoruar rolin vendimtar të KFOR-it, shkroi Krasniqi. Kritikat erdhën pas incidentit në kanalin Ibër-Lepenc, ku një sulm me bombë dëmtoi infrastrukturën ujore. Ministrat Xhelal Sveçla dhe Artane Rizvanolli publikuan video pranë kanalit pas sanimit të dëmeve, veprim që Krasniqi e cilësoi si mungesë mirënjohjeje ndaj misionit ndërkombëtar.
