Sindikata e Pavarur e Minatorëve të Trepçës ka reaguar përmes një postimi në Facebook, duke shprehur shqetësimet për vonesat e pagave. Minatorët theksojnë se përballen me probleme të vazhdueshme në ekzekutimin e pagave dhe akuzojnë menaxhmentin e “Trepçës për adresimin e fajit te minatorët. Në reagim, minatorët kanë deklaruar se përpjekjet e tyre për përmirësimin e kushteve të punës dhe investimeve injorohen nga institucionet, dhe kërkojnë falje publike për etiketimin e tyre si sabotues. Ata theksojnë se kanë shënuar rezultate të jashtëzakonshme në prodhim, pavarësisht kushteve të vështira. Sindikata i bën thirrje qeverisë së Kosovës të gjejë një zgjidhje për problemet financiare të Trepça Sh.A., përmes investimeve kapitale, për të shmangur kaosin dhe problemet serioze të ndërmarrjes. Minatorët kërkojnë ekzekutimin e pagave në kohë dhe plotësisht, si detyrë e institucioneve përgjegjëse.
![](https://www.radiokosovaelire.com/wp-content/uploads/trepca-6-660x330.jpg)