Ministri Abrashi thotë se kyçja në autostradën “Arben Xhaferi” përmes Gërlicës është prioritet i prioriteteve

19/08/2020 Institucionet

Realizimi i kyçjes në autostradën “Arben Xhaferi” përmes fshatit Gërlicë është cilësuar si prioritet i prioriteteve nga Ministri i Infrastrukturës së Republikës së Kosovës, Arban Abrashi. Kjo u bë me dije gjatë një takimi që u zhvillua në Viti, në mes të Ministrit Abrashi dhe Kryetarit të Komunës së Vitisë, Sokol Haliti. Kreu i kësaj komune ka falënderuar ministrin Abrashi për punën që po bënë kjo ministri në gjithë Kosovën, por ka ritheksuar nevojën që kyçja në autostradën Prishtinë-Shkup “Arben Xhaferi” të bëhet sa më parë përmes fshatit Gërlicë. “Kyçja në këtë autostradë përmes Gërlicës është jo vetëm kërkesë e banorëve të komunës së Vitisë, por edhe të banorëve të fshatrave të Ferizajt dhe Kaçanikut. Gjithashtu duhet të zbatohet sa më parë vendimi që ishte marrë nga qeveri Mustafa që kjo kyçje natyrale të realizohet sa më shpejt dhe të jetësohet kërkesa e drejtë e shumë banorëve”, u shpreh Kryetari Haliti. Ndërkaq edhe Ministri Abrashi u pajtua që kyçja në Gërlicë është një e drejtë legjitime e banorëve dhe potencoi se kjo është edhe prioritet i prioriteteve duke theksuar se ata po bëjnë çmos që kjo që të realizohet sa më parë dhe që qytetarët të mos sillën rrotull. Gjithashtu në këtë takim është folur edhe për nevojën e realizimit të shumë projekte të tjera infrastrukturore në këtë komunë ndër to për qarkoren e qytetit të Vitisë, realizimin e hyrjeve dhe daljeve me Gjilanin dhe Ferizajn, ndërtimin e disa urave, rregullimin e rrugës Viti-Kërbliqë dhe rregullimin e rrugës alternative në Stubëll “ Anton Çeta” si dhe projekte të tjera jetike për qytetarët e kësaj komune.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara