Ministri Bytyqi mori pjesë në prezantimin “Të arriturat në sektorin e arsimit fillor në Kosovë 2010-2018 dhe synimet për të ardhmen”

27/03/2019 Institucionet

Ministri i Arsimit, Shkencës dhe Teknologjisë, Shyqiri Bytyqi mori pjesë në prezantimin “Të arriturat në sektorin e arsimit fillor në Kosovë 2010-2018 dhe synimet për të ardhmen”, ku u shpalosen të gjeturat në sektorin e arsimit fillor në fushat: transparenca dhe llogaridhënia, gjithëpërfshirja, ngritja e kapaciteteve të udhëheqësve arsimor dhe cilësia e mësimdhënies. Ministri Bytyqi, në këtë konferencë foli për rëndësinë e ndryshimit të qasjes së mësimdhënësve, nxënësve, prindërve dhe të gjitha palëve të interesit dhe veprimin e tyre së bashku, për ta bërë arsimin prioritetin numër një në Kosovë. Ministri Bytyqi me këtë rast falënderoi GIZ-in për angazhimin e jashtëzakonshëm, si një nga partnerët kryesor në reformat e nevojshme në sistemin arsimor, përmes përvojave dhe praktikave të mira të sistemit arsimor të Gjermanisë. “MAShT në bashkëpunim me partnerët e saj ka punuar që arsimi në Kosovë të jetë sa më gjithëpërfshirës dhe kualitativ. Gjermania na ka mbështetur në këtë drejtim, por ende kemi nevojë për përkrahjen e saj në hapat që na presin”, ka thënë ministri Bytyqi. Në Konferencën ku u prezantuan të gjeturat në sektorin e arsimit në Kosovë brenda periudhës 2010-2018, të pranishëm ishin edhe Ismajl Kurteshi, kryetar i Komisionit Parlamentar të Arsimit dhe David Oberhuber, drejtor i zyrës së GIZ-it në Kosovë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara