MINISTRI BYTYQI PRITI AMBASADOREN E KROACISË NË KOSOVË

15/10/2018 Institucionet

Ministri i Arsimit, Shkencës dhe Teknologjisë Shyqiri Bytyqi, priti ambasadoren e Kroacisë në Kosovë, Maria Kapitanovic, me të cilën bisedoi për mundësitë e bashkëpunimit ndërmjet dy vendeve në fushën e arsimit, me theks të veçantë themelimin e katedrave të gjuhës kroate në Universitetin e Prishtinës dhe atë të gjuhës Shqipe në Universitetin e Zagrebit. Ministri Bytyqi ka falënderuar ambasadoren Kapitanovic për mbështetjen që i ka dhënë Kosovës shteti kroat në fushën e arsimit, njëherësh u shpreh i gatshëm të vazhdojë me bashkëpunimin reciprok në të gjitha nivelet e arsimit. Ministri Bytyqi u shpreh i gatshëm që të nënshkruajë një marrëveshje bashkëpunimi në nivel ministrash, që të mbështesin Universitetin e Prishtinës dhe atë të Zagrebit në iniciativën e tyre për themelimin e katedrave të gjuhëve tona në këto dy institucione. Ambasadorja Kapitanovic falënderoi ministrin Bytyqi për bashkëpunimin e deritanishëm dhe shprehu gatishmërinë për thellimin e bashkëpunimit mes dy vendeve në arsim.

Kontrolloni gjithashtu

12 biznese të reja (START UP) marrin përkrahje konkrete nga buxheti i Komunës së Rahovecit

Përmes Drejtorisë për Ekonomi, Zhvillim dhe Turizëm të Komunës së Rahovecit dhe sipas kritereve të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara