MINISTRI BYTYQI PRITI NË TAKIM KRYETARIN E SHOQATËS “KOSOVA, SHKUPI, BURSA”

14/11/2018 Institucionet

Ministri i Arsimit, Shkencës dhe Teknologjisë, Shyqiri Bytyqi, ka pritur në takim kryetarin e shoqatës “Kosova, Shkupi, Bursa”, e cila vepron në Bursa të Turqisë, Rexhep Gunduz, si dhe kryetarin e Komunës së Malishevës, Ragip Begaj. Në këtë takim u bisedua për mundësitë e bashkëpunimit në fushën e arsimit profesional. Ministri Bytyqi theksoi se, MAShT është e përkushtuar që ta zhvillojë arsimin profesional, si një mundësi e mirë që të rinjtë e Kosovës të jenë sa më të përgatitur për tregun e punës dhe në funksion të kësaj tha se jemi duke parë mundësitë e bashkëpunimit me vendet tjera. Në këtë drejtim, ministri Bytyqi dhe kryetari Gunduz diskutuan për fillimin e një bashkëpunimi konkret për dërgimin e nxënësve tanë të shkollave profesionale që të kryejnë praktikë profesionale në shkollat e Bursës në Turqi, pasi që këto shkolla janë të zhvilluara dhe të pajisura mirë me mjete për profesione të caktuara. Ministri Bytyqi e falënderoi kryetarin Gunduz për gatishmërinë e tij për këtë bashkëpunim, si dhe për veprimtarinë e tij, kryesisht në funksion të krijimit dhe mbajtjes së lidhjeve mes familjeve shqiptare që jetojnë në Bursa dhe atyre që jetojnë në trojet shqiptare.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara