MINISTRI BYTYQI PRITI NJË DELEGACION NGA TAJVANI

01/04/2019 Institucionet

Ministri i Arsimit, Shkencës dhe Teknologjisë (MAShT), Shyqiri Bytyqi, priti një delegacion nga Zyra përfaqësuese e Taipeit në Hungari, të kryesuar nga Andrew Y. Chang, me të cilin bisedoi për bashkëpunimin ndërkombëtarë të Ministrisë së Arsimit, në veçanti me vendet të cilat kanë praktika të mira në arsim. Ministri Bytyqi shprehu gatishmërinë e tij për krijimin e mundësive të bashkëpunimit, sidomos në fushën e arsimit të lartë dhe mundësinë e shfrytëzimit të bursave nga studentët dhe profesorët. Ministri Bytyqi ka falënderuar Chang për bashkëpunimin që ka treguar Tajvani deri më tani dhe premtoi intensifikimin e bashkëpunimit në të ardhmen. Ndërsa, përfaqësuesi i delegacionit, Chang tha se, qeveria tajvaneze me vite ka ofruar bursa për studentët kosovarë, duke kërkuar me këtë rast që të rinjtë të jenë të mirëinformuar në lidhje me këto bursa. Chang tha se dëshiron që shteti i tij të ndihmojë Kosovën në fushën e inxhinierisë kompjuterike, duke qenë se ka një përvojë të mirë në këtë fushë.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara