leoni

MINISTRI BYTYQI PRITI NJË GRUP TË NXËNËSVE DHE PROFESORËVE TË IOWA-S

24/09/2018 Institucionet

Ministri i Arsimit, Shkencës dhe Teknologjisë, Shyqiri Bytyqi, priti Brad Kinsinger nga Hawkey Community College, së bashku me studentët e klubit FFA të IOWAS dhe nxënës e profesorë të shkollave të mesme të IOWA-s, të cilët këto ditë po qëndrojnë për një vizitë studimore në Kosovë, me fokus vizita shkollave të mesme të bujqësisë dhe disa ferma bujqësore. Ministri Bytyqi ka falënderuar nxënësit dhe profesorët amerikanë për vizitën që po e realizojnë në Kosovë, ndërsa theksoi se vizitat e tilla dhe këmbimi i përvojave janë të dobishme dhe mirëseardhura kurdoherë. Ministri theksoi se tashmë kemi marrëdhënie të mira bashkëpunimi me IOWA-n, sidomos pas nënshkrimit kohë më parë të Marrëveshjes së Bashkëpunimit në fushën e arsimit dhe kjo do të  fuqizohet çdo ditë e më shumë me shkëmbimin e përvojave reciproke. “Zhvillimi i bujqësisë në vendin tonë, sikurse në vendin tuaj, është shumë i rëndësishëm, porse ne ende nuk i kemi shkollat e mesme profesionale në nivelin e duhur dhe kjo duhet të përmirësohet gradualisht”,  tha minstri Bytyqi, ndërsa tha se interesimi i juaj vetëm se na motivon që ta fuqizojmë akoma ,më shumë  zhvillimin e arsimit profesional bujqësor në Kosovë. Nxënësit dhe studentët amerikanë, gjatë qëndrimit në Kosovë do të vizitojnë disa shkolla të mesme dhe ferma bujqësore për të parë nga afër se çfarë janë kushtet, si punohet dhe cilat janë rezultatet e mundshme. FFA është një organizatë dinamike e të rinjve që ndryshon jetën dhe përgatitë anëtarët për udhëheqje, rritje personale dhe suksesin e karrierës nëpërmjet edukimit bujqësor.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara