leoni

MINISTRI BYTYQI TAKOI KOMISIONERËT E TESTIT TË MATURËS 2018

24/05/2018 Institucionet

Ministri i Arsimit, Shkencës dhe Teknologjisë, Shyqiri Bytyqi ka mbajtur një takim me Këshillin Shtetëror të Maturës dhe komisionerët e Testit të Maturës Shtetërore 2018, me të cilët bisedoi rreth përgatitjeve që janë bërë deri tasht, detyrat dhe përgjegjësitë që ata kanë në këtë proces. Ministri Bytyqi me këtë rast u shpreh se, duhet të jemi të angazhuar maksimalisht që  i tërë procesi të shkoi mbarë dhe se qëllimi kryesor është që nga ky test të kemi vlerësimin real të dijës së nxënësve. Ministri Bytyqi gjithashtu theksoi se, duhet të jemi të kujdesshëm që të pamundësojmë çdo lloj parregullsie apo përpjekjeje për të ndihmuar dikë, gjë që e dëmton procesin në përgjithësi, por edhe nxënësin e përgatitur, të krijojmë kushte të barabarta për të gjithë dhe ta kemi rezultatin sa më real. Në vazhdim, ministri Bytyqi tha se me një menaxhim të mirë të këtij procesi, do të fillojë një epokë shumë më e mirë në kuptimin që nxënësit në të ardhmen do të vijnë më të përgatitur dhe të vetëdijshëm se nuk mund të llogarisin  në mundësinë e kopjimit apo ndihme nga kushdoqoftë. Në këtë aspekt ministri Bytyqi theksoi se, do të merren masa ndëshkuese për të gjithë ata që nuk i respektojnë rregullat e këtij procesi, përfshirë komisionerët, monitoruesit, administruesit dhe nxënësit. Ministri Bytyqi, duke uruar komisionerët për sukses në këtë proces, tha do ta kenë mbështetjen e plotë të MAShT –it që procesi i testit të maturës të ketë rrjedhën e vet normale, një rrjedhë çfarë duhet ta këtë në vendet e kulturuara perëndimore, ku matet dija reale dhe se një gjë të tillë mundemi dhe duhet ta bëjmë edhe ne, tha në fund ministri Bytyqi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara