Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Jashtëm rus, Sergei Lavrov, la vlerësuar qëndrimin e kryetarit amerikan, Donald Trump për t’i dhënë fund luftës në Ukrainë, por akuzoi fuqitë evropiane që janë mbledhur rreth Kievit se kërkojnë të zgjasin konfliktin. Ai tha se Shtetet e Bashkuara ende duan të jenë vendi më i fuqishëm në botë dhe se Uashingtoni dhe Moska nuk do të shohin kurrë sy për sy në gjithçka, por se ata kishin rënë dakord të ishin pragmatikë kur interesat përputheshin. Lavrov tha se Trumpi është një pragmatist. Por qëllimi është ende “MAGA” – Bëje Amerikën të Madhe përsëri. “Gjithçka që premtoi Trump, ai e bëri”. Nëse e shikoni historinë në retrospektivë, do të shihni se amerikanët nuk luajtën ndonjë rol të tillë nxitës në luftë. Dhe tani, pas mandatit presidencial të Bidenit, erdhën njerëzit e Trump, që duan të udhëhiqen nga arsyeja e shëndoshë, të cilët deklarojnë troç: “Ne duam t’u japim fund të gjitha luftërave, duam paqen”. Ashtu si tani, kur Europa solli Zelenskin, në pushtet me bajonetat ata tani po e shtyjnë përpara. Por kjo do të thotë që shkaqet rrënjësore nuk do të zhduken. Sepse kur i pyesim këta mendimtarë evropianë, çfarë ndodh me atë pjesë të Ukrainës, ata nuk thonë asgjë”, tha Lavrov.
