Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes, Ejup Maqedonci, ka shprehur shqetësimin për mundësinë e një sulmi të ri nga Serbia. Shqetësimi nuk është vetëm për aspektin operativ dhe taktik të forcave të armatosura serbe, por edhe për politikën agresive dhe hegjemoniste të strukturave politike në Serbi. Politika agresive dhe tentativa për hegjemoni regjionale e Serbisë janë kryesore në rritjen e tensioneve në rajon. Grupet e armatosura joformale, të mbështetura nga strukturat e sigurisë së Serbisë, janë një element rreziku dhe ndëshkimi i tyre është i domosdoshëm për të parandaluar destabilizimin e mëtejshëm të rajonit. Ai ka thënë se përderisa drejtuesi i këtyre grupeve terroriste, Milan Radoiçiq, është ende në liri, kjo e bën situatën edhe më të rrezikshme. Shteti i Kosovës është i gatshëm të mbrojë territorin dhe sovranitetin e vet, duke vlerësuar bashkëpunimin e plotë me strukturat ndërkombëtare në Republikën e Kosovës. Ai ka përmendur se gjatë luftës së Kosovës, në të kaluarën, janë futur armatime nga Shqipëria, edhe pse kufiri ishte i blinduar. Maqedonci gjithashtu ka theksuar se, në çdo situatë, gatishmëria e vendit për të mbrojtur territorin dhe sovranitetin e vet është e lartë.
