Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes së Shqipërisë, Pirro Vengu, priti në Tiranë Ministrin e Mbrojtjes së Kosovës, Ejup Maqedonci, në një takim që u fokusua në thellimin e bashkëpunimit në fushën e mbrojtjes dhe arsimit ushtarak mes dy vendeve. Vengu theksoi rëndësinë e Kosovës si një prioritet strategjik kombëtar për Shqipërinë dhe si një element kyç në politikën e jashtme dhe të sigurisë. Kosova mbetet prioritet strategjik kombëtar i Shqipërisë dhe është në qendër të politikës sonë të jashtme dhe të sigurisë. Ne jemi të angazhuar për përfshirjen e Kosovës në strukturat ndërkombëtare të sigurisë, tha Vengu. Ai gjithashtu shprehu mbështetje për aspiratat e Kosovës për integrim në familjen Euro-Atlantike dhe njoftoi se bashkëpunimi do të vijojë me intensitet të lartë në fushën e mbrojtjes, duke rritur mundësitë për studentët dhe oficerët e Forcave të Sigurisë së Kosovës në institucionet e edukimit ushtarak në Shqipëri.
