Ministri i Ekonomisë dhe Ambientit, Blerim Kuçi ka marrë pjesë sot në Takimin e Ministrave të Ballkanit Perëndimor të fushës së TIK-ut me temën ”Ballkani Perëndimor për Epokën Dixhitale”, të organizuar nga Këshilli për Bashkëpunim Rajonal dhe i realizuar në formë virtuale. “Ndikimi i Marrëveshjes së Roamingut Rajonal dhe hapat e ardhshëm në drejtim të regjionit pa tarifa të roamingut deri më 1 Korrik 2021”, ka qenë çështja e parë e trajtuar në këtë takim, ku Ministri Kuçi ka paraqitur të arriturat e palës kosovare për zbatimin e kësaj Marrëveshje dhe ka shprehur gatishmërinë për përmbushjen e obligimeve të radhës drejt heqjes së plotë të tarifave të roamingut deri më 1 Korrik 2021. Si çështje tjetër e trajtuar në këtë takim ministror ka qenë Axhenda e transformimit Dixhital në Ballkanin Perëndimor përtej vitit 2020.
![Ministri i MEA-së, Blerim Kuçi merr pjesë sot në takimin e Ministrave të Ballkanit Perëndimor të fushës së TIK-ut](https://www.radiokosovaelire.com/wp-content/uploads/Foto-1-4-1536x967-1-660x330.jpg)