MINISTRI I INFRASTRUKTURËS PAL LEKAJ, PRITI NË TAKIM PËRFAQËSUESIT E BERZH-IT

03/10/2017 Institucionet

Ministri i infrastrukturës Pal Lekaj priti në një takim një delegacion të Bankës Evropiane për Rindërtim dhe Zhvillim (BERZH), të kryesuar nga  Holger Muent, drejtor rajonal për Ballkanit Perëndimor. Gjatë këtij takimi u bisedua për zhvillimin e bashkëpunimit në mes të Ministrisë së Infrastrukturës dhe BERZH-it, në disa projekte rrugore që tashmë kanë filluar të realizohen siç janë zgjerimi i rrugës në hyrje të Gjilanit, zgjerimi i rrugës në hyrje të Ferizajt si dhe zgjerimi i rrugës në hyrje të qytetit të Prizrenit. Ministri Lekaj kërkoi nga ky delegacion që të gjendet forma më e mirë për përshpejtimin e realizimit të këtyre projekteve, pasi që me stërzgjatjen e punimeve po pësojnë qytetarët e vendit tonë. Ndërsa, nga ana tjetër  Muent, i premtoi ministrit Lekaj se do të gjendet mënyra më e përshtatshme për të realizuar projektet sipas planeve ndërkombëtare të BERZH-it, duke ju ofruar ndihmë përmes ekspertëve që sa më lehtë të zbatohen në Kosovë.

Kontrolloni gjithashtu

Smajl Latifi: Në 26-vjetorin e rënies heroike përkujtuam dëshmorët e kombit, Visar Hotin dhe Safet Latifin

Kryetari i komunës së Rahovecit, z. Smajl Latifi, në 26-vjetorin e rënies heroike, në vendin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara