Ministri Kujtim Gashi vizitoi punimet në Kalanë e Korishës

28/10/2017 Institucionet

Ministri i Kulturës, Rinisë dhe Sportit, Kujtim Gashi, ka qëndruar në Kalanë e Korishës, lokacion i cili ndodhet mbi këtë fshat të rrethinës së Prizrenit, në një lartësi mbidetare prej 728 m. Ministri pa nga afër punimet dhe gërmimet arkeologjike që po bëhen në këtë lokalitet të rëndësishëm të trashëgimisë kulturore, që vlerësohet se kjo kala është ndërtuar në periudhën e antikitetit të vonë, respektivisht në shek. V-VI-të para erës sonë. Ministri Gashi tha se ky lokacion do të ketë vëmendjen e duhur të dikasterit që ai drejton. Po ashtu, ministri nënvizoi se ky vend mund të shndërrohet në një atraksion të rëndësishëm për turizmin në këtë rajon, andaj do ta ketë vëmendjen e shtuar të institucioneve shtetërore.

MKRS-ja ka ndarë 50 mijë euro për gërmimet arkeologjike në Kalanë e Korishës. Gërmimet e para arkeologjike janë bërë në vitin 2002, ndërsa vitin e kaluar këto gërmime janë intensifikuar, duke nxjerrë në pah konturet në brendi të arealit të kësaj fortese.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara