Ministri Kujtim Shala u takua me ambasadorin e Italisë në Kosovë

31/10/2016 Institucionet

Ministri i Kulturës, Rinisë dhe Sportit, Kujtim Shala, ka takuar sot ambasadorin e Italisë në Kosovë, Piero Cristoforo Sardi. Në këtë takim u bisedua për marrëdhëniet e shkëlqyeshme mes Italisë dhe Kosovës në gjitha fushat dhe u shpreh nevoja që ato të intensifikohen me bashkëpunim të ndërsjellët kulturor.

Ambasadori i Italisë, Piero Cristoforo Sardi, e falënderoi ministrin Shala për pritjen, dhe u shpreh se kjo vizitë bëhet në kuadër të vizitave njohëse me Institucionet e Kosovës, dhe shtoi se MKRS-ja është shumë e rëndësishme për një vend si Italia, që është një fuqi e madhe e kulturës.

Ai më tej u shpreh se ndërmjet dy vendeve ka marrëdhënie të shkëlqyeshme në gjitha fushat, duke shtuar se është në interes që në fushën e kulturës marrëdhëniet të avancohen në një nivel më të lartë.

Ministri Shala e përgëzoi ambasadorin Piero Cristoforo Sardi për funksionin e ri në Kosovë, dhe u shpreh se bashkëpunimi me Italinë është shumë i mirë dhe mund të intensifikohet më shumë, duke shtuar se ky bashkëpunim është shumë i dobishëm për Kosovën, sepse ne kemi më shumë nevojë për Italinë, që të përfitojmë nga përvojat e saj në fusha specifike të kulturës.

Ministri Shala më tej u shpreh se MKRS-ja ka iniciuar procedurat për nënshkrimin e Marrëveshjes së Bashkëpunimit Kulturor me Italinë, dhe ky akt do të jetë një hap shumë i rëndësishëm për thellimin e bashkëpunimit ndërmjet dy vendeve.

Po ashtu, ministri Shala shtroi nevojën që Kosova të përfitojë nga Italia në fushën e kulturës, të trashëgimisë kulturore, të restaurimit dhe të filarmonisë, sektorë këto të rëndësishme, ku përvoja e Italisë do të ishte tejet e dobishme.

Kontrolloni gjithashtu

Komuna e Deçanit nënshkruan kontratën për realizimin e projektit “Asfaltimi i rrugëve dhe rrugicave në fshatrat e Komunës së Deçanit

Kryetari i Komunës së Deçanit, z. Bashkim Ramosaj nënshkroj të enjtën kontratën me përfaqësuesin e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara