Ministri Kujtim Shala vizitoi Komunën e Istogut

19/09/2016 Institucionet

Ministri i Kulturës, Rinisë dhe Sportit, Kujtim Shala, ka vizituar Komunën e Istogut, ku është takuar me kryetarin e kësaj komune, Haki Rugovën.

Ministri Shala dhe kryetari Rugova kanë biseduar për një varg çështjesh të interesit të përbashkëta, për investimet kapitale në këtë komunë, sidomos ato që lidhen me përmirësimin e infrastrukturës në fushën e sportit, kulturës dhe rinisë.

Ministri Shala u shpreh se është synim politik i MKRS-së që të përmirësohen kushtet për zhvillimin e sportit, kulturës dhe rinisë, meqë këto tri fusha janë interes nacional i Kosovës. Në vazhdën e investimeve të shumta në këto fusha, Shala u shpreh se së shpejti pritet fillimi i disa projekteve të rëndësishme për Komunën e Istogut, përveç atyre që janë duke u realizuar në fushën e sportit.

Kryetari i Istogut, e falënderoi ministrin Shala për vizitën dhe kujdesin e vazhdueshëm që tregon për bashkëpunim në funksion të përmirësimit të kushteve për zhvillimin e aktiviteteve sportive, kulturore dhe rinore.

Po ashtu, ministri Shala dhe kryetari Rugova inspektuan punimet që po zhvillohen në Palestrën e Sporteve në këtë qytet.

Me këtë rast, ministri Shala u shpreh se nuk është i kënaqur me dinamikën e punimeve në këtë palestër, dhe shtoi se ngecjet e tilla kanë penguar   funksionalizmin e kësaj palestre tejet të rëndësishme për qytetarët e kësaj komune.

Kontrolloni gjithashtu

Nënkolonel Besnik Fana, shpallet “Qytetar Nderi” i Deçanit

Nën kujdesin e kryetarit të Komunës, z. Bashkim Ramosaj, dhë nënkryetarit, z. Sami Cacaj, u …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara