MINISTRI LEKAJ DHE KRYETARI BEGAJ VIZITUAN RRUGËN KIJEVË-MALISHEVË

10/10/2017 Institucionet

Ministri Pal LekajI së bashku me kryetarin e Komunës së Malishevës, Ragip Begaj, vizituan segmentin rrugorë Kijevë-Malishevë, ku edhe do të nisin punimet për zgjerimin e kësaj rruge. Në prononcimin e tij për media ministri Lekaj tha: “Unë zotohem para qytetarëve se ne do ta kryejmë ndërtimin e kësaj rruge në kohën më të shkurtë të mundshme,do ti japim rëndësi të veçantë sepse këtu ka kohë që nuk është investuar,dhe sa i përket lëvizjes së lirë të qytetarëve të kësaj zone ka pasur mjaft pengesa, por ne jemi këtu, për ta dëshmuar se ne po trajtojmë të gjitha rrugët dhe rrugicat, mos të flasim për ato rrugë nacionale (autostradat), që do të kryhen në kohën e paraparë me cilësi dhe me saktësi”. Ministri Lekaj ndër të tjera tha se nuk do të lejojmë që për pengesa të faktorit njeri të ngecin pa u realizuar këto projekte, të cilat kanë impakt pozitiv te qytetarët por edhe te zhvillimi ekonomik. Ky projekt, i cili do të financohet në tërësi nga Ministria e Infrastrukturës, ka gjatësi prej 13 kilometrash dhe është më i frekuentuari në këtë zone, si dhe shfrytëzohet për gjashtë fshatrat që lidhin rrugën deri në Malishevë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara