leoni

MINISTRI LEKAJ NDANË MBI 700 MIJË EURO PËR INFRASTRUKTURËN E DRAGASHIT

06/08/2018 Institucionet

Ministri i Infrastrukturës, Pal Lekaj, në kuadër të mbështetjes që ofron Ministria e Infrastrukturës  në fuqizimin e komunave të vendit, nëpërmjet infrastrukturës moderne, ka nënshkruar memorandum bashkëpunimi me kryetarin e komunës së Dragashit, Shaban Shabani, për dy projekte të kësaj komune. Me anë të këtij memorandumi, Dragashi ka përfituar realizimin e dy projekteve në vlerë prej më shumë se 700 mijë eurosh. Projektet e Dragashit që do të mbështeten nga Ministria e Infrastrukturës janë ai i ndërtimit të rrugës Brezne-Trokan-Brut, ku faza e parë do të kapë vlerën prej 447,528 eurosh, kurse faza e dytë do të ketë një kosto prej 200 mijë eurosh, ndërsa projekti i dytë do të jetë ai i rehabilitimit të rrugës Xërxe-Pkllajnik, po në Dragash dhe kap vlerën prej 100 mijë eurosh. Ministri Lekaj tha se kjo mbështetje për Dragashin dhe të gjitha komunat në nivel vendi, nuk do të mungojë edhe në të ardhmen, ngase kështu hapet perspektivë e re për turizmin e Dragashit, por edhe të komunave e rajoneve tjera, duke i shërbyer kështu konsolidimit të një infrastrukture moderne dhe me standarde në tërë Republikën e Kosovës. Kryetari Shabani, duke e falënderuar ministrin Lekaj, për këtë mbështetje domethënëse për komunën që ai drejton, tha se mbetet me shpresë që përkrahja e nivelit qendror do të vazhdojë përgjatë tërë mandatit qeverisës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara