leoni

MINISTRI LEKAJ PRITI NË TAKIM AMBASADORIN E MAQEDONISË NË KOSOVË

15/11/2017 Institucionet

Ministri i Infrastrukturës, Pal Lekaj, priti ambasadorin e Maqedonisë në vendin tonë, Ilija Strasevski, me të cilin zhvilloi një bisedë miqësore e të përzemërt lidhur me çështjet që u përkasin të dy vendeve, në radhë të parë për fushat që janë kompetencë e Ministrisë së Infrastrukturës. Në fillim të takimit ministri Pal Lekaj falënderoi ambasadorin Strashevski për vizitën në Ministrinë e Infrastrukturës, për të biseduar më pastaj kryesisht rreth sfidave dhe mundësive të bashkëpunimit në mes të dy shteteve lidhur me çështjet infrastrukturore, fushë kjo në të cilën ministri Lekaj tha se ekzistojnë vështirësi të caktuara, por se ne mundohemi që të arrijmë t’i tejkalojmë ato dhe t’i përmbushim kërkesat e qytetarëve. Sa u përket raporteve ndërshtetërore, ministri Lekaj tha se ne jemi vende mike dhe se shpresojmë se bashkëpunimin që kemi pasur deri tash të vazhdojë për të mirën e qytetarëve të të dy vendeve tona. “Unë jam i bindur se autostrada, e cila lidh Prishtinën me Shkupin, do të përfundojë në vitin 2018, por besoj se do t’ia dalim t’i riaktivizojmë hekurudhat me ndihmën e financimit nga BERZH-i. Këto do të kenë impakte pozitive për qytetarët e dy të vendeve, si në planin e lëvizjes së lire, po ashtu edhe në transportin e mallrave, që do të ndikojë drejtpërsëdrejti në zhvillimin ekonomik të të dy vendeve”, tha gjatë bisedës ministri Lekaj. Ndërkaq, ambasadori i Maqedonisë, Ilija Strashevski tha se Kosova dhe Maqedonia, si dy shtete fqinj, kanë pasur marrëdhënie të mira dhe se synim i përbaskët është integrimi në NATO dhe në Bashkimin Evropian. “Bashkëpunimi shumë herë ka qenë i mirë, por ka ende hapësirë për të punuar. Sa i përket rrugës së pjesës së Maqedonisë, ne kemi mbetur që të ndërtojmë rrugën nga kufiri, pra nga Hanit i Elezit deri në unazën e Shkupit, që lidhet me qendrën e Shkupit, që ka gjithësej 13 km. Për momentin, për këtë pjesë është duke u punuar në pjesën e studimit të fizibilitetit, por do të ishte mirë që edhe linjat hekurudhore Kosovë- Maqedoni të përmirësohen, sepse do të ndikojnë në lehtësimin e lëvizjes së lirë të qytetarëve dhe transportit të mallërave, ku ne presim të nënshkruajmë marrëveshje bashkëpunimi në këtë drejtim”, tha në fund të takimit ambasadori Strashevski.

Kontrolloni gjithashtu

Finalizohet draft-ligji për Lojërat Mesdhetare “Prishtina 2030”

Kryetari i Komunës së Prishtinës, z. Përparim Rama ka njoftuar përmes faqes së tij në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara