leoni

MINISTRI LEKAJ PRITI NË TAKIM DELEGACIONIN E FONDIT MONETAR NDËRKOMBËTAR PËR KOSOVË, TË KRYESUAR NGA STEPHANIE EBLE

09/12/2017 Institucionet

Ministri i Infrastrukturës, Pal Lekaj, priti në takim një delegacion nga Fondi Monetar Ndërkombëtar i kryesuar nga Stephanie Eble, Shefe i misionit për Kosovë. Temë kryesore e këtij takimi ishin projektet e infrastrukturës rrugore, duke i dhënë theks të veçantë projektit të Autostradës R6, Prishtinë-Hani i Elezit – “Arbër Xhaferi”. Ministri Lekaj theksoi se ne jemi duke u përpjekur që të kryhen projektet duke u bazuar në qarkoren buxhetore sipas afatit të paraparë. E kam thënë dhe po e përsëris se praktikat e deritanishme që e kanë dëmtuar strukturën buxhetore duhet të ndalen, ne duhet të largohemi nga deficiti buxhetor për aq sa na lejojnë ligjet e vendit tonë. Kur është fjala për Autostradën Prishtinë Hani i Elezit, janë tejkaluar pengesat për stërzgjatjen e këtij projekti, afati i përfundimit të kësaj autostrade është zgjatur për një vit, ndërsa punimet e kësaj autostrade do të përfundohen më 31 dhjetor 2018. Sa i përket autostradës për Gjilan, ne e kemi programuar në vija buxhetore për katër vite, duke filluar nga viti i ardhshëm. Lidhur me projektin tjetër Prishtinë-Pejë, segmenti Kijevë-Zahaç, jemi duke biseduar me EBRD, që të hyjmë në obligime, por që do të jenë të programuara sipas buxhetit. Jemi duke punuar edhe sa i përket vazhdimit të Autostradës për Merdare. Do të punohet edhe rreth projektit të zgjerimit të pistës së Aeroportit të Prishtinës, duke e përmbyllur si projekt të rëndësishëm për vendin tonë. Ministri Lekaj theksoi se janë duke u realizuar edhe projekte të shumta të asfaltimit të rrugëve në vendit tonë. Në anën tjetër, përfaqësuesja e FMN-së Staphanie Eble u interesua rreth ecurisë dhe realizimit të projekteve infrastrukturore në vendin tonë siç është projekti i Autostradë Prishtinë-Hani i Elezit dhe projektet të tjera infrastrukturore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara