Ministri Lekaj, u takua me përfaqësuesit e Fondit për Zhvillim të Arabisë Saudite

27/03/2018 Institucionet

Ministri i Infrastrukturës, Pal Lekaj, u takua me përfaqësuesit e Fondit për Zhvillim të Arabisë Saudite, i kryesuar nga Abdullah Al-Shoaibi. Gjatë këtij takimi u bisedua për projektin, i cili financohet nga ana e këtij fondi, për zgjerimin e rrugës nacionale N2 Prishtinë-Mitrovicë, si dhe projekte të tjera që priten të realizohen nga Ministria e Infrastrukturës. Ministri Lekaj e informoi delegacionin me progresin e arritur deri tash në projektin për zgjerimin e rrugës nacionale N2 Prishtinë-Mitrovicë, duke i njoftuar ata se tashmë janë në përfundim procedurat e tenderimit dhe se punimet në përfundimin e këtij projekti pritet të fillojnë shumë shpejt. Ministri Lekaj dhe Al-Shoaibi u dakorduan që ky projekt të jetë vetëm fillimi dhe se bashkëpunimi do të vazhdojë edhe në të ardhmen, ku nga ana e Fondit për Zhvillim të Arabisë Saudite u shfaq gatishmëri për bashkëpunim edhe në projekte tjera, kurse nga ana e tij ministri Lekaj u premtoi atyre se do të ketë profesionalizëm, korrektësi, respektim afatesh dhe transparencë sikurse deri më tash edhe në projektet e ardhshme ku mund të ketë bashkëpunim. Lekaj i ka informuar mysafirët edhe për projektet e mëdha që pritet të realizohen siç janë ai i “Autostradës së Dukagjinit”, “Autostrada Prishtinë-Merdare” e projekte të tjera që kanë ndikim pozitiv në jetën e qytetarëve të vendit. Al-Shoaibi duke e falënderuar ministrin Lekaj për mbështetjen dhe korrektësinë, ka thënë se janë të gatshëm që ta ndihmojnë Kosovën në çdo kohë dhe në të gjitha ato projekte që janë në të mirë të banorëve të Kosovës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara