MINISTRI LEKAJ, VIZITOI GJENDJEN E SINJALISTIKËS DHE TË NDRIÇIMIT NË AUTOSTRADË DHE RRUGË MAGJISTRALE

24/10/2017 Institucionet

Të hënën në orët e mbrëmjes, ministri i Infrastrukturës, Pal Lekaj me bashkëpunëtorë dhe me disa zyrtarë të tjerë të ministrisë, vizitoi një pjesë të autostradës Prishtinë-Shkup dhe magjistralen Prishtinë-Mitrovicë, për t’u njohur më mirë për gjendjen e sinjalistikës, asaj vertikale dhe horizontale dhe të ndriçimit, për të cilat deri tash ka pasur mjaft ankesa.

Pasi u njoh me gjendjen faktike në terren, ministri Lekaj deklaroi:

Kemi dalë të vizitojmë autostradën, përkatësisht ndriçimin dhe sinjalistikën dhe më besoni se ajo që e kam vërejtur është pasojë e mosangazhimit të tërë Ministrisë, i faktorit njeri dhe për këtë arsye sot i kemi rrugët në errësirë, thuaja se pa sinjalistikë të duhur dhe pa ndriçim dhe kjo nuk do të tolerohet më. Që nesër do të japim urdhër që kjo gjendje të përmirësohet, të krijohen dhe të respektohen standardet edhe në sinjalistikën vertikale, por edhe në atë horizontale. Ajo që është më e domosdoshme është ndriçimi gjatë natës, sepse ju e dini që kemi pasur edhe aksidente me fatalitet dhe njëri nga shkaktarët është edhe mosfunksionimi i ndriçimit dhe mosekzistimi i sinjalistikës. Në këtë drejtim ne do të bëjmë më të mirën e mundshme dhe u lutem të gjithë bashkëpunëtorëve që të jenë korrekt dhe në afatin më të shkurtër të përmirësojmë këtë gjendje në rrugët tona, që pothuajse janë për keqardhje, – tha ministri i Infrastrukturës, Pal lekaj.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara