Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes, Ejup Maqedonci, sot u prit në takim nga zëvendëskryeministri dhe ministri i Mbrojtjes së Katarit, Halid bin Mohammad Al Attijah, të cilin e falënderoi për mbështetjen nga shteti i Katarit, si dhe për angazhimin e tij personal për thellimin e marrëdhënieve nga pozicioni paraprak i ministrit për Punë të Jashtme të Katarit. Po ashtu, ministri e njoftoi homologun e tij, për situatën e sigurisë në regjionin e Evropës, e veçanërisht atë në Ballkanin Perëndimor, si dhe për zhvillimin e kapaciteteve mbrojtëse të Republikës së Kosovës. Në takim diskutuan për vendosjen e urave të bashkëpunimit në fushën e mbrojtjes në mes të dy vendeve dhe u dakorduan për bashkëpunim në fushën e trajnimeve dhe edukimit ushtarak, si dhe mundësisë për investime të përbashkëta në fushën e prodhimit ushtarak. Ministri Al Attiyah ofroi 6 kuota për edukim të kadetëve tanë në akademitë ushtarake të Katarit, duke përfshirë dhe Akademinë e Forcave Ajrore të Katarit.
