Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri për Komunitete dhe Kthim, Nenad Rashiq, ka folur për takimi që ka mbajtur me guvernatorin e BQK-së, Ahmet Isamili lidhur me rregulloren e Bankës dhe çështjen e dinarit serb. Ai ka thënë se guvernatori ishte i qartë në shpjegimin e tij sa i përket anës teknike të implementimit të kësaj rregullore. Kjo ka të bëjë me marrëveshjen që Banka Qendrore e Serbisë dhe ajo e Kosovës të zhvillojnë mes veti transaksione. Unë kam marr konfirmim nga z.Ismaili që ata të kontaktojnë me Bankën Qendrore në Serbi, dhe që konvertimi i dinarit në euro do të jetë shumë i lehtë dhe shumë i zbatueshëm për ata që pranojnë pagesa në dinarë. E dyta, është mënyra tjetër që bankat që kanë përfaqësi këtu dhe në Serbi ta bëjnë kthimin e dinarit në euro direkt, dhe përdorimi të bëhet këtu. Rashiq bëri të ditur se ka mbajtur një takim edhe me kryeministrin Albin Kurti, të cilin e falënderon për mirëkuptimin dhe gjetjen e mënyrës për implementimin dhe gjetjen e zgjidhjes sa i përket përdorimit të dinarit.
