Ministri Reçica raportoi para Komisionit Parlamentar për të Drejtat e Njeriut, Barazi Gjinore, për Persona të Pagjetur dhe Peticione

15/02/2018 Institucionet

Ministri i Punës dhe Mirëqenies Sociale, Skender Reçica, raportoi para Komisionit Parlamentar për të Drejtat e Njeriut, Barazi Gjinore, për Persona të Pagjetur dhe Peticione, rreth plotësim-ndryshimit të Ligjit për Skemat Pensionale të financuara nga shteti, i cili tashmë  është dërguar për miratim në Qeverinë e Kosovës. Ministri Reçica tha se MPMS ka hasur në disa vështirësi  për zbatimin e kornizës ligjore që ka të bëjë me realizimin e të drejtave për pensione, andaj e ka vlerësuar si të domosdoshme plotësim-ndryshimin e ligjit aktual 04/L-131 për skemat pensionale të financuara nga shteti. Sipas ligjit në fuqi për skemat pensionale të financuara nga shteti, përfituesit e cilitdo pension të skemave pensionale të përfituara në bazë të këtij ligji, nuk mund të jenë përfitues të ndonjë pensioni nga skemat e veçanta pensionale, të cilat menaxhohen dhe administrohen nga MPMS. Me qëllim të respektimit të kontributeve të dhëna nga pensionistët, të cilët janë pjesë e familjeve të kategorive të dala nga lufta, ministri tha se është iniciuar plotësim-ndryshimi përkatës në projektligjin për plotësimi-ndryshimin e ligjit aktual, sipas të cilit i jepet e drejta përfitueseve të pensionit bazik dhe kontributpagues të moshës, të përfitojnë pensione të tjera, bazuar në ligjin në fuqi për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, viktimave civile, si dhe ligjit të amendamentuar. Ministri Reçica, gjithashtu, njoftoi anëtarët e komisionit parlamentar lidhur me Reformën Pensionale në Kosovë dhe theksoi se tashmë është paraparë hartimi i koncept-dokumentit në agjendën legjislative të Republikës së Kosovës për vitin 2018. Reforma pensionale do të jetë një reformë gjithëpërfshirëse, ku parashihet një ligj gjithëpërfshirës, i cili do të rregullojë shumë çështje të cilat kanë qenë problematike deri më tani. Ai theksoi se kriteri për përfitim të pensioneve kontributive prej 15 vitesh duhet të rivlerësohet për shkak se ky kriter ka penguar shumë qytetarë të Republikës së Kosovës për të gëzuar pensionin kontributiv. Në kuadër të reformës, gjithashtu duhet të rivlerësohet edhe njohja e kontributeve për periudhat e ndryshme kohore, për ata qytetarë të cilët pa dëshirën e tyre janë larguar nga vendet e punës. Në kuadër të raportimit, ministri Reçica iu përgjigj anëtarëve të Komisionit lidhur me pyetjet e tyre mbi përfitimet dhe beneficionet e qytetarëve, në bazë të ligjit për kategoritë e dala nga lufta, të drejtat e punëtorëve, sigurinë dhe shëndetin në punë dhe pyetje të tjera që bien në domenin e Ministrisë së Punës dhe Mirëqenies Sociale.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara