Ministri Reçica takoi përfaqësuesit e Bankës Botërore

26/01/2018 Institucionet

Ministri i Punës dhe Mirëqenies Sociale, Skender Reçica, priti në takim përfaqësues të Bankës Botërore, të kryesuar nga Stefanie Brodmann. Temë diskutimi ishte mbikëqyrja dhe implementimi i skemës së asistencës sociale dhe mënyrave të bashkëpunimit  në mes të MPMS-së dhe Bankës Botërore. Ministri Reçica kërkoi mbështetje sa i përket ngritjes së kapaciteteve të Qendrave për Punë Sociale të cilat së fundmi, me vendim Qeverie, janë caktuar si përgjegjëse për realizimin e testit të varfërisë. Gjithashtu, ministri kërkoi bashkëpunim edhe rreth zgjidhjes së çështjes së grandit specifik për komuna, në atë mënyrë që të jetë i përcaktuar me ligj. Përfaqësues të Bankës Botërore siguruan ministrin Reçica se do të mbështesin MPMS-në në të gjitha çështjet e nevojshme dhe prioritare sa i përket asistencës sociale. Çështje diskutimi ishte edhe  punësimi  dhe ofrimi i mbështetjes për reformat për Ligjin e Ri të Punës ku u dakorduan që bashkëpunimi të orientohet në atë mënyrë, duke marrë praktikat më të mira nga vendet e zhvilluar dhe të inkorporohen në ligjin e ri të punës. Ministri Reçica, njoftoi të pranishmit rreth objektivit të Qeverisë për përfshirjen e sa më shumë qytetarëve në masat aktive të tregut të punës, duke zvogëluar kështu rastet e përfituesve të asistencës sociale. Gjithashtu  u diskutua edhe për skemat pensionale dhe nevojës së një reforme të sistemit pensional, përfshi kornizën ligjore që e rregullon atë si dhe krijimit të një baze elektronike të të gjitha dosjeve për çka ministri kërkoi bashkëpunim nga Banka Botërore. Të dy grupet u dakorduan që deri në fund të qershorit të këtij viti, idetë e diskutuara në takim dhe mundësitë e bashkëpunimit të konkretizohen nëpërmjet veprimeve konkrete.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara